tag from mell
123 views ,Tag ini c Mell yang bagi. Dia kasi saya karaja rumah. Mell, jangan menangis arrr, saya sudah kasi siap ni karaja rumah ni.. Nah, basa lah.. 
1. The who tag/pass you is?/
Bulum lagi saya tinguk itu c mell punya tulisan tuari. 1 hari sitangah baru saya tinguk, butul-butul saya tidak persaya. Dia tag saya bah.
2. Your relationship with him/her is?/
Kami serupa mangkali ni.. Kita serupa.. hahahaha 
3. Your 5 impressions of him/her? /
Dia peramah, karaja karas (mau tulis pos), suka makan ensabie, dan suka senyum, suka piara kusing , (Yang suka makan ikan atau yang tukang curi ikan? Tak tau mana satu, hehehehe ) 5 sudah kaitu? 
4. The most memorable thing she/he had done for you?
Dia baca saja artikel di blog saya atau dengar lagu. Dia jarang komen. Mangkali dia takut jawab salah tu soalan matematik saya.hehehehe..
5. The most memorable thing she/he had said to you?
Dia kasi nama saya san tut (Jangan Marah). Kalau kasi sambung, santut. Dakat sudah kantut.hehehe..
6. If she/he become your lover you will?
Masam mana gia sara-sara dia tu?
7. If she/he become your lover, thing she/he has to improve on will be?
emmm….jadi orang baik saja.
8. If she/he become your enemy, you will?
Aik, menggoda kaini?
9. If she/he become your enemy, the reason will be?
sukuplah tu pundan menggoda saya.hehehehe
10. The most desired thing you want to do for her/him now is?
Aik, kasi hadiah dia santut pink.hehehehehe..
11. Your overall impression of her/him is?
Apa baitu oberol tu? Masam buni koprel saja tu. Aik, tulung! Tulung! Saya tidak tau ni!!!
12. How you think people around you will feel about you?
Pil? Di mana lagi mau sari pil ni mau makan? hehehe!! Emmm…mungkin Cuma tidak faham, jadi terjadilah salah faham.
13. The characters you love of yourself are?
Tidak juga bangga lah, saya bersukur…kerana dilahirkan dan idup sampai sekarang..
14. On the contrary, the characters you hate of yourself are?
Malas
15. The most ideal person you want to be is?
Saya tidak paham ini inggeris dia ni, sangat dalam… 
16. For people that care and like you, say something to them:
Either they like me or not, I am always say [God Bless You all and peace be with you always] ngam kaini macieam?
17. Pass this quiz to 10 persons that you wished to know how they feel about you.
1. Kuai 2. Kobie 3. Defoo 4. Nokurogia 5. Kengkaru 6. nanakz 7. Anak Jagung 8. Tanakvagu 9. zi 10. Andrik
18. Who is No.6 having relationship with?
Emmm…. Her blog and friends
19. Is No.9 a male or female?
Female
20. If No.7 and 10 are together, will it be a good thing?
Hehehe… sama-sama moginum mangkali ok lah.. hehehehe
21. What is No.2 studying about?
Yang saya tahu, dia ini memang seorang suri rumah tangga yang baik. Boleh menjadi Ibu Mithali.
Selingan:
22. When was the last time you had a chat with No.3?
We never chat before, just leaving and replying msgs in the chatbox. (Saya tiru ja apa yang C Mell sakap, tidak tau masam mana mau balas, hehehehehe)
23. What kind of music band does No.8 like?
Bulum cek butul..hehehehe
24. Does No.1 have any siblings?
Emm. Nanti saya cek..hehehehe.
25. will you woo No.3?
Hehehehehe…. Dia bagus bah…
26. How about No.7?
Ned kaitu kauh bilang? Dia sangat encem. Dia suka pigang poket. Suba kamurang p tinguk sana web dia. Dia pigang poket tu. Tidak tau kalau dia sudah tukar design dia punya poket.
27. Is No.4 single?
Ya,Over and out laini.. nanti saya jumpa dia masa naik p gunung
28. What is the surname of No.5?
Look at his url’s. (saya tiru saja apa yang C Mell Sakap, Cuma ubah dari her pigi his)
29. What’s the hobby of No.10?
Dia suka makan makanan yang sedap (Kalau dia lapar), dia suka internet (Melayari internet), dia suka tidur (Kalau mengantuk), dia suka berblog,dia suka p tandas (Kalau mau pigi sudah), suka berus gigi (kalau mau berus gigi), mungkin dia suka menyanyi lagu ayus sleeping dan British polindan?
30. Does No.5 and 9 get along well?
Oh…hehehe.. tidak berani kasi tau sini.. secret.
31. Where is No.2 studying at?
Tidak tau dia ni.. Diam2 ubi rambat berisi bah diani… Dia sikulah orang putih punya bahasa. Tinguk, dia pandai tulis bahasa urang putih.
32. Talk something casually about No.1?
Hehehe..em, dia suka p gunung, dia suka isap sigup dan kirai (Mungkin dalam diam-diam, dia makan pinang dan sirih), dia suka mengkatik urang (Apa gia tu kalau nonggoris bilang, camera woman?)
33. Have you tried developing feelings for No.6?
No, never..
34. Where does No.9 live at?
Hehehehehe.. sia nampak di blog, dia ada rumah di dalam laut….
35. What colour does No.4 like?
Color kaini? Dia suka color baju? Ngam kaitu jawaban saya?
36. Are No.5 and 1 best friends?
Nope
37. Is No.7 the sexiest person in the world?
Mata dia bersinar-sinar bagaikan mentari, renunganya tajam macam jelingan tupai, aik nah.. jangan marah arrr.. ini Cuma mau kasi naik sumangat sija..Butul.. dia memang seksi. Bertuah sumandak dapat dia ni..
38. What is No.6 doing now?
Mangkali dia sedang melukis-lukis.
Aik, sudah siap baini tag ni kan? Hehehe.. I am free!! I am free!!! Sorry, hari minggu baru saya buat ni tag.. Happy Blogging kawan-kawan sumua..!! tag yang lain tu saya pelan2 kasih siap arrrr… utang dulu.. panjang sudah kuku saya ni, menaip pun macam pakai kasut tinggi.
Susah mau takan keyboard punya huruf. Kawan saya pinjam tu putung kuku bah. Dia bulum kasi balik lagi. Tidak palah. Saya p kedai runsit bili satu. Saya kasi darma saja tu satu tu. Tapi siok bah menggaruk ni kalau kuku panjang. Kalau gatal kana gigit nyamuk, garuk saja, gerinti siok..hehehehehe
![:)]](http://piasau.com/smilies/yahoo_onphone.gif ":)]"){kind=small}
![:-\](http://piasau.com/smilies/yahoo_question.gif ":-\"){kind=small}
no 4..bukan sy nda mau komen ba San,dalam betul ba ayat2 ko ni. Kadang2 separuh jalan,lost suda sy..hahaha
no 7..jadi,selama ni sy penjahat la San? Begitu? sy kensel laini naik gunung. hahaha..
Lutchu baini tag kan San,ketawa jg ko time menjawab kan. LOL.
[Reply only this thread]
san Reply:
September 21st, 2008 at 4:56 am
Mell,
Saya tahu tu.. Ko pening2 lalat sudah mau faham bahasa saya… Bahasa pasar pun semua masuk, bahasa hindustan bulum kuluar lagi, kalau kuluar, lagilah kau tidak paham….
No 7 kah? Bukan juga penjahat bah. Kau selalu jadi sitaring bah… itu mau kasi naik semangat saja tu supaya kau dapat naik p gunung….. Hahahaha
Lutcu kah? Tapi tidak juga sampai tbirak-birak lah… kosirit saja , siiiiikit… sukurlah.. yang penting ada.. Hehehehehe..
[Reply only this thread]
wakakkaa.. san ko memang funny oh..
Sa inda tau ni amacam mo jawab ni tagged.. si beck tagged sa pun sa belum balas..
ko bagik sa masa , cari 10 org mangsa luk.. and kenal2 ko luk..
hahaha..
thanks for the tagged. ko mmg funny!
[Reply only this thread]
san Reply:
September 21st, 2008 at 9:09 am
Zi,
siok orrr kalau kana bagi freedom
Funny kah? hehehehe.. rilik ja bah… kita kita jugaini.. bloggers semua bah kita ni… saya bagi ko masa…. berapa hari arrr? Bila-bila masa ja.. sa bagi ko freedom lagi…. hahahaha.. freedom kaka.. feeeweet!!!
Saya tidak panny bah ni zi.. itu hari saya nampak ko berenang di laut.. eeee.. siok di internet pun ada laut.. kekekekekek… kalau ko tidak dapat buat ni tag, sukup lah ko sarikan katam untuk saya , katam yang sepitnya mcm tu kung fu jakie Chan itu yang ada fensui.. hahahaha..
[Reply only this thread]
wakakakaka… san sa pun sama…. lum tau g ni tebalas atau ndakk… jan mara kalo inda ah… betimbun tag and award sa lum pungut.. dei…
FYI sa ada banyak siblings… hehehehe
[Reply only this thread]
san Reply:
September 21st, 2008 at 9:13 am
Kuai,
, tidak pah bah,
Aik, dalam diam2 ko pun sama si zi kaini? hehehehe..
tidak payah mau balas pun buli…. sukup ko tbasa ini tag, manatau ko
terus takatawa saturang.. tapi jgn urang nampak arrr.. p jauh2..
[Reply only this thread]
napa jg nama sy jadi nanatz? hehe…suda sy buat ni tag dlu jadi kasi can la sy nda membuatnya lagi k..ngeh3
u sure ka nda mo develop feelings ni? pasti? nda menyesal? hahaha
[Reply only this thread]
san Reply:
September 21st, 2008 at 9:26 am
Claire,
, saya kasi taruh saja nama ko di sana tu pula. Saya tertambah z ja, bukan t.. tiapalah bah kan.. sudah menjadi adat istiadat turun menurun.. aik.. butul kaini saya cakap ni.. hehehehe.. 
,
Duluan saya ketawa ni..hahahahahaha..
Aya, mau develop feelings kah? Aya… hehehe… jangan begitu bah… hehehe..
, bah.. kalau ko kana tag, mo buat or not, tia pa baitu, yang penting ko tbasa dan tnampak ko di tag oleh saya… Happy blogging…
[Reply only this thread]
atuk atukkk ada lagi tag untuk sa, bah nanti sa buat kio, utang lu dlm buku 555 ko san, hehee
[Reply only this thread]
wah panjang nie tag nie Sankaru…adoooiii
[Reply only this thread]
Matematik: Berapakah hasil tambah 10 dan 7? = 17 chegu san
wah bukan main lagi jawapan ko an, selalu klu sia baca tag buring, tp yg ini tidak..adus sakit mulut sia ketawa..san..san..tut..
[Reply only this thread]
Kobie: Aku tagih hutang mu.. hahahahaha…
Kengkaru Tidak spanjang keretapi bah… aku menanti lah.. di mana utang mu… Hahahaha
urangranau Matematik tu kah? Itulah assistant saya tu… macam pintu kenen tu, ada gate.. aik, pintu sama gate sama bah kan.. cuma gate ni ada hujung dia, tajam sikit dan biasa orang sebut sebagai gate.. kalau ko teketawa, jangan lupa kasi tau lagi disini kalau ko tbirak … itu kesihatan juga tu.. hahahahaha..
, sa pun ketawa baitu.. tapi saturang lah… ko saturang ka ketawa tu? Nah.. kita ni ada harapan mo p bukit padang ni.. hahahahaha… 
[Reply only this thread]